Описание
Установа культуры "Іўеўскі музей нацыянальных культур"
Вітаю Вас, паважанае спадарства!
Адзіны ў краіне музей нацыянальных культур быў заснаваны ў горадзе Іўе ў чэрвені 2009 года. Адкрыццё адбылося 3 ліпеня таго ж года.
Пастаянная экспазіцыя музея “Пад адзіным небам праз стагоддзі” знаёміць наведвальнікаў з гісторыяй, культурай і рэлігіяй беларусаў, палякаў, татараў, яўрэяў, падкрэсліваючы магчымасць мірнага суіснавання розных рэлігій на адной невялікай тэрыторыі.
Геаграфія наведвальнікаў музея пастаянна пашыраецца: Велікабрытанія, Марока, Італія, Японія, ЗША, Ізраіль, Германія, Польша, Швейцарыя, Аргенціна, Канада, Францыя, Эстонія, Літва, Латвія, Расія, Украіна.
У рэакрацыйнай зале працуюць выставы работ мастакоў, мастакоў-фатографаў, народных майстроў, калекцыянераў, праводзяцца сустрэчы з пісьменнікамі, дзеячамі культуры, з замежнымі гасцямі.
У музеі працуе лялечны тэатр “Батлейка”. Супрацоўнікі музея ўласнымі сіламі распрацоўваюць сцэнарыі і выконваюць пастаноўкі.
Распрацаваны турыстычныя маршруты “Іўе – шматканфесіянальнае” і “Залатое кальцо Іўеўшчыны”, падчас якіх экскурсанты знаёмяцца з гісторыяй і помнікамі архітэктуры горада Іўе і Іўеўскага раёна.
Працуе кіёск па продажу сувенірнай прадукцыі.
Запрашаем усіх, хто цікавіцца гісторыяй і культурай да супрацоўніцтва!
З павагай, дырэктар Кацярына Маскалевіч
Тэлефон: 8 (01595) 6-80-36, 8(01595) 6-80-35
Сайт: http://ivye-museum.by/
e-mail: info@ivye-museum.by
Адрас: 231337, Гродзенская вобласць, г. Іўе, вул. 17 Верасня, 9.
Музей працуе: аўторак– нядзеля: 9.00 - 18.00
Панядзелак – выхадны дзень
